الجدع جدع والجبان جبان

الجدع جدع والجبان جبان يلا بينا يا جدع نروح كلنا على الميدان نحرر شعب مصر ونحاكم الخونة والجبان، يابا دي كانت مافيا وعصابة دولية وكانت حكماها ولية وكانت عتقية، واحدة اسمها سوزي والتانية اسمها زكريا، وقال إيه جتلها أزمة قلبية وعايزة قسطرة تشخيصية، ودوها شرم الشيخ عشان يأكلوها عسلية وتحلي بمهلبية، والجدع جدع والجبان جبان، يا با ده كان حاكمنا شوية جرزان، والجدع جدع والجبان جبان، يا با ده كان حاكمنا شوية جديان، والجدع جدع والجبان جبان، يا با ده كان حاكمنا شوية خرفان، والجدع جدع  والجبان محبوس يلا نروح نجيب منهم الفلوس، بتبكي يا أم الشهيد ولا بتبكي على خالد سعيد، بتبكي يا عيني على الغايبين شهداء التحرير، ودمعك على الخدود سطرين، سطر يقول راحوا فين وسطر يقول ليه غايبين، عز الحرامي المطبلاتي والمزوراتي راح منطقة شق التِعبان وجاب شق رخام وملى بيه الميدان، وضربونا في الميدان وفتشونا وسرقونا ونهبونا وبرصاص حبيب العادلي قتلونا وفي التلاجات وحطونا، لقيت أبو الشهيد بيبكي في الميدان، جيت امسح دمعته، قالي يا بني دي دموع أنين وعذاب السنين، ماعرفش إذا كانوا خمسة ولا كانوا عشرة ولا كانوا تلاتين، يا با داحنا كنا دايرين في طاحونة، طالع عين أبو اللي جابونا، وفتشونا وسرقونا ونهبونا، وسحلونا بالجِمال وعربيات السفارات قتلونا، منهم لله حرامية المليارات والملايين والله المعين، ده الجدع جدع والجبان مسجون، يلا بينا يا جدع نتفرج عليهم في السجون، والجدع جدع والجبان منحوس، يلا بينا يا جدع نجيب منهم الفلوس..