الحب نار

الحب نار يا يحضن القلب ويدفيه يا يحضنه ويولع فيه!

يا مصر .. في ميدان التحرير

حلي ضفايرك واعمليهالنا ضليلية ولملمينا يا أصيلة
عشاق ترابك أحبابك وكلنا أهل وعيلة
يا مصر نديكي حب وتدينا، ونمد للشمس إيدينا
ولما نتعب تاخدينا ناخد في حضنك تعسيلة
إحنا اللي نسهر في هواكي
وعمرنا ما نحب سواكي
يا مصر لما ندانا الفدى .. روحنا في ميدان التحرير
نفديكي يا مصر ونضحي بروحنا .. وضحكنا حتى على جراحنا
دي جراحنا هونت علينا الشيلة
يا مصر شايلة الأمل طفل في حجري
مسيرو يوم يحبي ويجري
وانصروا الجميل حلو الشمايل انصروه
ولما ييجي في ميدان التحرير استقبلوه
يا مصر لو دارت الدنيا علينا .. ولييلت من حولينا
نلبد في أحضان أهالينا، لإما نتعتر ونتوه
انصروه .. انصروه .. الجميل حلو الشمايل انصروه
لابو جهل جهله هيحرجنا، ولا ابو لهب هيخوفنا
محناش ضعاف ولا أولالات حيلة
آه يا مصر يا أصيلة
عمرك يا ضلمة ما تستجري في ميدان التحرير
تسدي باب الناس فتحوه

بحبك لوحدك

كان القدر راضي علينا وحنون
وكان الشجر غصون بتعانق غصون
وكان القمر جماله بيسبل العيون
والزهر يبعت أنفاسه نشوة..
نشوة للنسيم بعد ما باسوا
بإيدك سقيتني الهنا والحنان
وقولت يا ريتني ما كان اللي كان

بحبك .. بحبك .. بحبك في قربك وبعدك
بحبك .. بحبك .. بحبك لوحدك .. بحبك

رسالة في زجاجة

حبيبتي على الشط الثاني..
أرسلت لكي خطاباً به رسالة تاني..

طاف بالموج فغنّى و تغنّى الشاطئان
حبيبتي يا أمل الفؤاد وحلمه منذ الطفولة .. يا منية النفس العليلة
كيف الوصول إلى شاطئك .. وليس لي في الأمر حيلة
أسعدتني زمنا وروى وصلك الشافي غليله
في ليلة نسج الغرام طيوفها بيد نحيلة
فلترحمي خفقانه لكي واسمعي ترتيله


إلى الروح التي عانقت روحي، إلى القلب الذي سكب أسراره في ثنايا قلبي، إلى حب حبي، إليكي يا أعز من في الوجود، إليكي يا حبيبتي، أهديكي رسالتي للذكرى فاذكريني وتذكريني فالذكرى ناقوس يدق في عالم النسيان، وإلى لقاء غير بعيد الأمد، وإلى أن نلتق في يوم قريب، وختاماً لكي ألف سلام ومحبة ومحبة وأشواق وغرام من قلب لا يهدأ ولا ينام، قلب حبيبك على الشط الثاني..


إذا مالت الشمس إلى الغروب وتباعدت القلوب عن القلوب وطافت بالخواطر ذكريات، فلا تنس نصيبي من الذكرى!

مناجاة عن رحيل الزوجة

في يوم .. في شهر .. في سنة
تهدى الجراح وتنام
وعمر جرحي أنا أطول من الأيام
وداع يا دنيا الهنا .. وداع يا حب يا أحلام
ده عمر جرحي أنا .. أطول من الأيام
أنا .. أنا كنت هواه وحبيبه
روحي وقلبي حواليه
لو كان الدمع يجيبه
كنت ابكي العمر عليه
لا صوتي يسمعه .. ولا دمعي يرجعه
ولا عاد يفيد ندم ولا أمل عليه
في يوم .. في شهر .. في سنة
تهدى الجراح وتنام

رسالة من حمار حصاوي موديل 2012

وصلني الإيميل التالي على بريدي الإلكتروني بعنوان: رسالة من حمار .. أردت عرضها عليكم يا بني آدم يا كبير الدار .. قلبت الدنيا على اللي قاللي يا حمار .. هوا اسم شتيمة ولا جنس ولا ده عار؟

خلقني ربي وخلقك ولا حدش له فينا خيار .. أنا مهما زاد الحمل عليا، صابر على المشوار .. لا في يوم أقول اشمعنى اخويا واخد منه تار .. ولا يوم أبص لرزق غيري وأغار .. ولا ارفع عيني على جارتي وإخوان الجار .. ولا مهر ادفعوا لحماتي ولا شبكة دهب ولا حتى سوار .. ولا شقة اجمع في تمنها ولا اجهز دار .. ولا حُرمة حامل تتوحم عايزة الكافيار .. ولا بنتي تخرج عن طوعي وتمشي على كيفها وتجيبلي العار .. ولا ابني يدمن ويهلوس ويقع ينهار .. عايش في حالي ومتهني وليه احتار .. باكل وبشرب وبنهق وبرفس ومفيش أسرار .. وعندي ابن آدم يخدمني ليل ونهار .. إن جُعت يشتري برسيم بأغلى الأسعار .. وفي مرضي يفضل يعالجني ويدعي الستار .. خادم أمين من غير راتب ولا حتى إيجار . دلوقتي عرفت يا بني آدم من فينا اللي حمار .. يا جحش .. باكل وبشرب وبنام ليل ونهار .. وفي النهاية ينادي عليا ويقولي يا حمار..

النشيد الوطني لجمهورية المنوفية الفدرالية

النشيد الوطني لجمهورية المنوفية الفدرالية أيام الاحتلال

ضرب البروجي في تلا .. جمعت شبين تلاتات
قوسنا شمت خبر .. استدعت الأجازات
طلع عمدة بركة السبع ..
قال انصراف يا شوية نمر .. روحو البسو البيادات
احسن اللي هياخد التمام .. فخامة الرئيس السادات